Asociación Pop No´j

Kote li ye: Lavil Gwatemala, Gwatemala

Asociación Pop No´j (APN) travay nan Gwatemala pou ankouraje ak akonpaye pwosesis òganizasyon, fòmasyon ak patisipasyon pèp endijèn Maya yo, sou baz vizyon yo genyen sou mond lan, idantite yo ak dwa yo. Pami lòt priyorite yo, APN travay ak timoun Maya yo te depòte oparavan sòti Etazini epi ki ap chèche retabli lavi yo, defann dwa yo epi re-entegre sosyete a. 

UUSC ap fè patenarya ak Asociación Pop No’j nan Gwatemala pou sipòte timoun ak adolesan Maya yo te depòte oparavan sòti nan peyi Etazini pou re-entegre kominote yo ak rekonstwi lavi yo. Moun yo fèk depòte yo ap goumen non sèlman ak twomatis vwayaj angwasan te fè yo, men tou ak deplasman y ap pede fè sòti nan kominote natif natal yo ak kote yo pase pou mande pwoteksyon. 

APN te kapab bay akonpayman pou 28 jaden familial, ak sipò UUSC yo te kontinye bay konsiltasyon sou ti jaden familyal pou fanmi ki akonpaye yo. Yo te mennen aktivite pratik pou montre plantasyon ak rekòt legim, plant medisinal, ab fwitye, ansanm ak entegrasyon pwodiksyon djondjon. Ansanm ak sa, fanmi yo ap bay tèt yo manje, jan yo di a, yo pa bezwen al achte anyen nan mache, yo gen ase legim ak fèy òganik pou bay tèt yo manje.

Fanmi yo gen konesans sou kilti òganik, yon metodoloji ki ede pran pi bon avantaj sou resous natirèl yo, epi ede nan pran swen ak konsève yo.

Travay latè tankou yon zouti rezistans pou kenbe istwa ak kilti kominote yo an vi, pou akonpli buen vivir (viv byen). Kòm tout manm fanmi yo enkli, genyen tou yon espas pou entèraksyon ak ranfòsman lyen familyal yo, sa ki kontribiye ak pwosesis sante emosyonèl ak bon relasyon familyal.

Estaf Pop No’j akonpaye jèn Maya yo atravè pwosesis re-entegrasyon yo a, ede yo reyini ak fanmi yo epi òganize vizit adomisil regilye pou tcheke sante ak byennèt yo. Pop No’j ede jèn moun yo tou pou jwenn opòtinite ekonomik epi defann devan gouvènman lokal yo pou pwoteje dwa yo epi aksede ak sèvis sila ki fèk tounen.

Pop No’j fè pati yon pi gwo rezo òganizasyon k ap travay pou jistis migran nan rejyon an. Yo travay ak Foundation for Justice and the Democratic Rule of Law, yon patnè UUSC nan Meksik, pou chèche migran ki disparèt oswa sila yo te vyole dwa yo pandan yo nan tranzit. Epitou, UUSC ak Pop No’j souvan rankontre pou kondane re-militarizasyon politik etranjè Etazini nan Amerik Santral epi fè apèl pou solisyon ki baze sou dwa pou kriz refijye kontinyèl la.

Foto: Asociación Pop No´j