Scalabrinianas Misión con Migrantes y Refugiados

KOTE LI YE: Vil Meksik, Meksik

Scalabrinianas Misión con Migrantes y Refugiados (Misyon Eskalabrinyen avèk Migran ak Refijye; SMR) se yon asosyasyon sivil relijye nan Vil Meksik ki gen nan tèt li yon konsèy egzekitif sè eskalabrinyen. Yo bay akonpayman konpreyansif pou moun k ap migre k ap sibi vilnerabilite nan peyi Meksik. Yo gen yon biwo oryantasyon nan vil Tapachula ki nan fwontyè sid Meksik la. Yo gen tou biwo ak yon abri yo dirije nan Vil Meksik la, kote yo bay sèvis dirèk (jiridik, sikolojik, sante, dantè, asistans sosyal ak èd pou moun jwenn travay, lojman, manje, ak lòt kalite asistans) pou timoun, jèn adolesan, moun ki andikape, ak moun LBGTQ+ (Kominote M) k ap migre.

Misyon SMR gen ladan l tou sipò pou kay ak abri pou migran yo ak pou moun k ap defann dwa moun k ap migre. Pou fè sa, li bay reprezantasyon jiridik, konsèy, fòmasyon, ak materyèl gratis pou ede yo kontinye bay èd imanitè pou moun k ap migre k ap pase anndan kominote ki gen gwo ris. 

Pou fè sa, SMR kolabore avèk rezo nasyonal ak rejyonal bò kote òganizasyon k ap defann dwa migran yo ak moun k ap defann dwa migran yo. Yo bay dokimantasyon epi yo patisipe nan pledwaye avèk gouvènman meksiken an pou ranfòse repons ak reyalite migrasyon nan peyi Meksik.

SMR di: "Nou pa eseye ni kanpe migrasyon ni ankouraje l. Nou travay pou n garanti dwa ak yon lavi an diyite nenpòt kote moun ye epi pou n pwoteje lòt defansè ki mache ansanm avèk misyon nou an."

Depi lane 2016, UUSC ap kore SMR nan atansyon espesyal li bay fanm ak timoun k ap migre epi moun ki viktim vyolasyon dwa moun. Dènyèman, UUSC bay sipò tou pou nouvo biwo asistans jiridik SMR lanse nan fwontyè sid Meksik la, ansanm avèk finansman ijans pou reponn ak konsekans KOVID-19 yo.

Foto: Scalabrinianas Misión con Migrantes y Refugiados