Alaska Institute for Justice

Location: Anchorage, Alaska

UUSC and the Alaska Institute for Justice (AIJ) travay ansanm ak kominote Natif Alaska yo pou abòde enpak chanjman klimatik epi pou defann dwa yo genyen kòm moun nan kad tè yo k ap disparèt.

Enpak ki pi enpòtan nan travay AIJ genyen sou tribi yo se devlopman ak enplemantasyon estrateji pledwaye pou abòde mankman kontinyèl resous ak asistans teknik pou reponn ak enpak klimatik yo. Lejislasyon federal ak eta a kontinye mete baryè pou tribi yo. Yon vizit ofisyèl Rapòtè Espesyal Nasyonzini sou dwa moun pou sila yo ki deplase anndan pwòp peyi yo se yon pwochen etap enpòtan pou tribi Alaska yo pou fè konnen yo dwe respekte dwa yo pandan kriz klimatik la kontinye gen enpak sou lavi yo ak gaypen yo.

Ak sipò UUSC, AIJ te ede 15 kominote natif Alaska pou kreye ak enplemante yon swivi kominotè ki baze sou enpak chanjman anviwonmantal sou sante, byennèt ak enfrastrikti. Swivi kominotè a bay enfòmasyon enpòtan pou detèmine si gen nesesite pou deplasman epi kilè sa nesesè. UUSC te ede tou pou konvoke ak òganize yon odyans devan Komisyon Entè-Ameriken sou Dwa Moun (Inter-American Commission on Human Rights, IACHR) nan mwa oktòb 2022 kote yon reprezantan ki sòti nan Vilaj Natif Kivalina te pale sou enpak chanjman klimatik ak repons Eta Alaska ak gouvènman federal la te bay men ki pa apwopriye fas ak bezwen kominote endijèn yo. a hearing before the Inter-American Commission on Human Rights (IACHR) in October 2022 where a representative from the Native Village of Kivalina discussed the impacts of climate change and the inadequate response of the state of Alaska and the federal government to the needs of Indigenous communities.

AIJ, an kolaborasyon ak patnè li yo ki se tribi Natif Alaska yo, ap transfòme sistèm gouvènans pou asire yo respekte dwa kominote Natif Alaska yo. Yon egzanp sou sa se travay AIJ pou fasilite ko-pwodiksyon konesans ant National Oceanic and Atmospheric Administration’s (NOAA) National Weather Service ansanm ak 15 kominote Natif Alaska yo pou dokimante tanpèt nan tan livè ansanm ak enpak yo sou enfrastrikti ak sou byennèt kominote yo.

Foto: Alaska Institute for Justice