Kioa Island Community Organization

KOTE LI YE: Vanua Levu, Lwès, Fidji

Zile Kioa se bò rivaj nan Vanua Levu li ye, youn nan de zile prensipal Fidji yo. Li sitye li nan Buca Bay, Kioa gen yon longè 11.5 mil (oswa 18.5km) epi li gen anpil montay, ak pant apik ak vòlkanik ak tè fètil. Mataqali (ki se yon klan oswa gwoup ki posede yon tè) Fiji a, oswa klan ki te rele Salía te okipe Zile Kioa. 110 matai yo te achte Kioa nan 1946, ki se moun nan Vaitupu nan Tuvalu. Kounye a, popilasyon Kioa se mwens pase 400 moun. Kioa Island Community Organization (KICO)te etabli nan lane 2015 pou adrese pwoblèm sa yo moun nan zile sa a te konn jwenn yo: deplasman entèn akòz chanjman klimatik, ensekirite manje ak dlo, ak egalite fanm nan biznis. 

UUSC se premye òganizasyon ki sipòte moun Kioa depi yo te etabli sou zile a an 1946. Sipò UUSC bay KICO a pral ede òganizasyon an aplike plan estratejik yo pou senk ane kap vini yo. Plan sa a konsantre sou ranfòsman rezistans klima ak pouswiv devlopman ekonomik atravè pwodiktè lokal yo. Pami eleman li yo, genyen fòmasyon agwoforestè pou asire Moun Kioa yo byen ekipe ak dènye teknik pou plante yo ki rezistan ak klima a, ak agrikilti kominotè ak plantasyon pou replante kokoye, kava, taro, manyòk ak santal.

KICO gen pou objektif pou preprare Kioa pou vin pi rezilyan ak klima a epi asire genyen ase manje ki disponib pou si bagay yo ta anpire. Sizoka moun Vaitupu ak Tuvalu ta genyen pou yo chanje lokal pou yo vin nan Kioa, y ap pare pou sipòte moun Tuvalu parèy yo. An jeneral, yo espere travay yo an pral ede moun Kioa yo santi yo an sekirite nan pwòp kay yo pou pitit yo pral kapab al viv sou tè zansèt yo epi pou li kapab sipòte yo.

Foto: Kioa Island Community Organization