Pacific Island Climate Action Network

KOTE LI YE: Suva, Fidji

The Pacific Islands Climate Action Network (PICAN) ap travay an kolaborasyon ak manm li yo, gwoup nasyonal yo, ak patnè li yo pou fè plis pale epi ensiste sou kesyon pèt yo ak domaj yo.Youn nan prensipal aktivite yo se fè presyon sou pati ki siyen Konvansyon-Kad Nasyonzini sou Chanjman Klimatik (CCNUCC) pou diskisyon sou pèt ak domaj yo pa sòti nan lavi moun yo ak nan reyalite yo. Rezo a ap itilize sansibilizasyon epi l ap enfliyanse patnè tradisyonèl ak sa ki pa tradisyonèl yo pou l ranfòse epi fè plis egzijans politik nan zafè pèt yo ak domaj yo. Rezo a ap sipòte efò gwoup travay PICAN sou pèt yo ak domaj yo. Rezo a ap apiye l sou kanpay sansibilizasyon pou l enfliyanse patnè tradisyonèl ak sa ki pa tradisyonèl ki nan rejyon an ak nan tout mond lan, pou ranfòse ak fè plis egzijans politik nan zafè pèt yo ak domaj yo. Konsa tou, rezo a ap bay gwoup k ap travay sou pèt yo ak domaj yo sipò padan l ap asire rezilta egzijans politik yo bò kot premye kominote katastwòf klimatik yo te frape nan yon pwosesis ki pèmèt yo tout patisipe.

Objektif espesifik pwojè PICAN yo se: 

• Kreye yon platfòm dyalòg, konesans, enfòmasyon epi ki pataje eksperyans sou politik, sou defans dwa ak pratik nan zafè jistis klimatik sou pèt yo ak domaj yo;
• Idantifye priyorite yo ki pral kreye yon baz solid pou patenarya ak prenspal pati ki konsène yo, patnè devlopman yo, gouvènman an ak òganizasyon sosyete sivil yo pou fè pi gwo egzijans politik nan zafè pèt yo ak domaj yo; epi
• Ranfòse ak bay sipò ak angajman enpòtan sa a manm PICAN yo pran nan rejyon an sou politik klima a sitou sou pèt yo ak domaj yo. 

Foto : PICAN