Defansè Viktim Entènasyonal

KOTE LI YE: Kirribilli, New South Wales, Ostrali

Victim Advocates International (Defansè Viktim Entènasyonal, VAI) se yon òganizasyon manm pou gwoup ki viktim krim entènasyonal ki grav anpil tankou krim lagè, krim kont limanite, ak jenosid. Toupatou nan mond lan, moun ki viktim krim konsa yo konn òganize yo pou yo lite pou jistis. Sepandan, gwoup sa yo konn pase mizè pou yo jwenn resous yo bezwen pou yo itilize mekanis lajistis entènasyonal. VAI bay gwoup manm li yo zouti ak resous yo bezwen pou yo angaje avèk mekanis sila yo, defann kòz yo, pledwaye pou priyorite yo, epi dirije pwòp mouvman jistis pa yo. Metòd VAI yo mete aksan sou twa pilye sipò pou manm li yo: konsèy jiridik, sipò pou pledwaye, epi devlopman òganizasyonèl.

Pandan plizyè lane, VAI ap travay ansanm avèk mizilman Rohingya lame Myanmar (Bimani) te viktimize epi deplase yo. Gen 11 òganizasyon Royingha nan kan refijye Cox's Bazar nan peyi Bangladesh–se pi gwo kan refijye Rohingya nan mond lan–ki fè pati VAI. Pami yo gen senk gwoupman fanm ak kat gwoupman jèn. 

Sipò UUSC ede VAI travay avèk gwoup sa yo pi byen, dapre objektif ak preferans chak nan gwoup yo. Kòm pati travay sa a, UUSC sipòte Arakan Rohingya Society for Peace and Human Rights (ARSPH) nan travay dokimantasyon li. ARSPH jwe yon wòl kapital nan dokimante lavi refijye Rohingya yo k ap viv nan kan refijye Cox's Bazar. 

Anplis, VAI ede gwoupman Rohingya yo angaje avèk divès mekanis entènasyonal ki la pou yo bay restitisyon. Yo asire gwoupman sa yo gen aksè ak resous ofisyèl ki ka adrese vyolans, deplasman, ak demounizasyon pèp Rohingya ap viv. 

Foto: Victim Advocates International