Victim Advocates International (VAI)

တည်နေရာ- ကီရီဘီလီမြို့၊ နယူးဆောက်ဝေးလ်ပြည်နယ်၊ ဩစတျေးလျနိုင်ငံ

Victim Advocates International (VAI) သည် စစ်ရာဇဝတ်မှုများ၊ လူသားမျိုးနွယ်အပေါ် ရာဇဝတ်မှုများ နှင့် လူမျိုးတုန်းသတ်ဖြတ်မှုများအပါအဝင် ပြင်းထန်သည့် နိုင်ငံတကာပြစ်မှုများ၏ နစ်နာသူအုပ်စုများအတွက် အသင်းဝင် အဖွဲ့အစည်းတစ်ခု ဖြစ်သည်။ ထိုသို့သော ရာဇဝတ်မှုများ၏နစ်နာသူများသည် တရားမျှတမှုအတွက် တိုက်ပွဲဝင်ရန် ရည်မှန်းချက်ဖြင့် ကမ္ဘာတစ်ဝှမ်း တွင် မကြာခဏ စုရုံးစီစဉ်ကြသည်။ ဤအဖွဲ့များသည် နိုင်ငံတကာ တရားစီရင်ရေးယန္တရားများကို ညွှန်ပြရန်အတွက် လိုအပ်သော အရင်းအမြစ်များကို ရယူရန် မကြာခဏ ရုန်းကန်နေကြရသည်။ VAI သည် အဖွဲ့များအား ၎င်းတို့၏အဖွဲ့ဝင်ဖြစ်မှုအတွက် ဤယန္တရားများနှင့် ထိတွေ့ဆက်ဆံရန် လိုအပ်သော လုပ်ငန်းစဉ်များ နှင့် အရင်းအမြစ်များကို ပံ့ပိုးပေးသည်။ ထို့ပြင် ၎င်းတို့ကိုယ်ပိုင်ကိစ္စရပ်များကို တာဝန်ယူဆောင်ရွက်ခြင်း၊ ၎င်းတို့ကိုယ်ပိုင်ဦးစားပေးကိစ္စများကို ထောက်ခံအားပေးခြင်း နှင့် ၎င်းတို့ကိုယ်ပိုင် တရားမျှတရေးလှုပ်ရှားမှုများကို ဦးစီးဆောင်ရွက်ပေးခြင်း စသည်တို့ကို လုပ်ဆောင်ပေးသည်။ အဖွဲ့ဝင်များ၏ ထောက်ပံ့ရေးထောက်တိုင်သုံးခုဖြစ်သည့် ဥပဒေအကြံပေးခြင်း၊ ထောက်ခံအားပေးခြင်း နှင့် အဖွဲ့အစည်းအတွင်း ဖွံ့ဖြိုးတိုးတက်စေခြင်း စသည်တို့ကို VAI ၏နည်းစနစ်က အာရုံစိုက်လျက်ရှိသည်။

VAI သည် မြန်မာ (ဗမာ) စစ်တပ်ကြောင့် နေအိမ်စွန့်ခွာခဲ့ရသော နစ်နာသူ ရိုဟင်ဂျာမူဆလင်များနှင့် နှစ်ပေါင်းများစွာ လုပ်ကိုင်ဆောင်ရွက်လျက်ရှိသည်။ ဘင်္ဂလားဒေ့ရှ်နိုင်ငံ၏ ကော့ဘဇားဒုက္ခသည်စခန်း (နိုင်ငံတွင်း အကြီးဆုံး ရိုဟင်ဂျာဒုက္ခသည်စခန်း) တွင် VAI ၏ လက်ရှိအသင်းဝင်ဖြစ်သည့် အမျိုးသမီးငါးဦးပါအဖွဲ့ နှင့် လူငယ်လေးဦးပါအဖွဲ့တို့အပါအဝင် ရိုဟင်ဂျာအဖွဲ့အစည်း ၁၁ ခု ရှိသည်။ 

UUSC ၏ပံ့ပိုးကူညီမှုသည် ဤအဖွဲ့များ နှင့် VAI တို့၏လုပ်ငန်းဆောင်တာများ ဖွံ့ဖြိုးတိုးတက်ရန် ကူညီပေးသည်။ ၎င်းတို့အဖွဲ့များအားလုံးသည် တစ်ဦးချင်း ရည်မှန်းချက်များ နှင့် ဦးစားပေးမှုများအတွက် အံဝင်ခွင်ကျစီမံထားခဲ့သည်။ ဤလုပ်ဆောင်ချက်များထဲမှ အချို့မှာ လူ့အခွင့်အရေး နှင့် ငြိမ်းချမ်းရေးအတွက် အာရကန် ရိုဟင်ဂျာ လူမှု့အဖွဲ့အစည်း (ARSPH) အတွက် ၎င်းတို့၏မှတ်တမ်းတင်သည့် လုပ်ငန်းဆောင်တာများကို ဆက်လက်ကူညီပံ့ပိုးရန် ဖြစ်သည်။ ကော့ဘဇားဒုက္ခသည်စခန်းရှိ ရိုဟင်ဂျာဒုက္ခသည်များ၏ဘဝအကြောင်း မှတ်တမ်းတင်ရာ၌ ARSPH သည် အရေးကြီးသည့် အခန်းကဏ္ဍတွင် ပါဝင်သည်။ 

VAI သည် နိုင်ငံတကာ၏တာဝန်ခံမှု ယန္တရားအမျိုးမျိုးနှင့် ထိတွေ့ချိတ်ဆက်ရန် ရိုဟင်ဂျာအဖွဲ့များကိုလည်း ကူညီပေးသည်။ ထို့ပြင် အကြမ်းဖက်မှု၊ နေအိမ်စွန့်ခွာ ထွက်ပြေးခဲ့ရမှု နှင့် ရိုဟင်ဂျာလူမျိုးများ ရင်ဆိုင်နေရသော ဂုဏ်သိက္ခာကင်းမဲ့စေမှုတို့ကို ဖြေရှင်းရန် တရားဝင်အရင်းအမြစ်များကို ထိုအဖွဲ့များ အသုံးပြုခွင့်ရရန် သေချာအောင် ဆောင်ရွက်ပေးလျက်ရှိသည်။ 

ဓာတ်ပုံ ခရက်ဒစ်- Victim Advocates International