Ecological Solutions Foundation Trust

KOTE LI YE: Gizo Western, Solomon Islands

The Ecological Solutions Foundation Trust (ESF) se sèl òganizasyon debaz nan Zile Solomon yo k ap travay pou sansibilize epi reponn ak bezwen vilaj yo ap konfwonte nan sa ki gen pou wè ak enpak dirèk destriksyon klimatik la. 

An patenarya ak UUSC, ekip ESF la ap goumen pou moun ki andikape ansanm ak lòt kominote ki afekte nan Zile Solomon yo, epi sipòte jefò yo pou relokalize an tout sekirite ansanm ak yon fason otonom kòm repons ak enpak chanjman klimatik la. Pou pi klè, ESF ap travay ak moun nan ti zile koray nan Tikopia ki nan premye liy enpak klimatik yo epi k ap chèche relokalize epi adapte ak enpak klimatik lèzòm lakòz yo.

ESF te ede ranfòse kay ki anba ris destriksyon poutèt chajman klimatik la, sipòte sante piblik fanmi ak kominote yo atravè enstalasyon rezèvwa dlo lapli pou bay dlo pwòp, epi edike moun ki viktim deplasman klimatik nan vilaj Nuatabu, Nusa Hope ak Wagina.

Anplis de sa, òganizasyon an te ede goumen pou ogmante sèvis ak resous pou moun andikape chanjman klimatik afekte yo.

ESF elaji sansibilizasyon sou enpak chanjman klimatik nan ti zile koray nan Lord Howe. y ap mete sou pye yon videyo dokimantè pou mande moun k ap mete politik yo sou pye pou pran aksyon nan non moun k ap viv nan ti zile koray yo.

Epitou, Ecological Solutions Foundation mennen etid sosyal ak syantifik sou chanjman klimatik ansanm ak enpak li genyen sou kominote yo ak ekosistèm yo. Òganizasyon an sipòte kominote yo atravè kanpay epi politik presyon pou pwoteje enterè ak kilti yo.

UUSC ap fè patenarya ak Ecological Solutions Foundation pou asiste kominote ki nan zòn kotyè lwen nan Zile Solomon yo pou mete pwoteksyon an plas, rekonstwi kay epi goumen pou resous ki pral sipòte kominote ki anba ris nan jefò relokalizasyon.

Ak sipò UUSC, Ecological Solutions Foundation te kapab achte kat (4) rezèvwa dlo pou vilaj Wagina, konsa yo te bay yon sous dlo altènatif fyab epi pwòp pou konsomasyon debaz ak lapwòpte. Epitou, Ecological Solutions Foundation te kapab bay materyèl konstriksyon pou ede kominote Vilaj Nuatabu rekonstwi lakay yo aprè yon radmare te fòse yo kite lakay yo, y ap fè sa pandan y ap plede pou jwenn resous ak asistans teknik nan men ajans gouvènman lokal yo.

Foto: Ecological Solutions Foundation